ஜெகத் கஸ்பர் – எப்படி இன்னும் “வெளியே” ? “அன்னை”யின் அருளா ?

ஜெகத் கஸ்பர் – எப்படி இன்னும்  “வெளியே” ?
“அன்னை”யின்  அருளா ?

ஏற்கெனவே  ஜெகத் கஸ்பர்   நடத்தும் தமிழ் மையத்திற்கு
ராஜாவின்  கருணையால் கிடைத்த  சில “கொடை”களைப்
பற்றிய விவரங்கள் வந்திருந்தன.

இப்போது இன்னும் கொஞ்சம் விவரங்கள்
வெளிவந்திருக்கின்றன. யார் யாரிடமிருந்து,
எவ்வளவு   நன்கொடைகள் வந்திருக்கின்றன  பாருங்கள் –

யுனிடெக் – 50 லட்சம்
டாடா டெலிசர்விசஸ் – 25 லட்சம்
ஷ்யாம் டெலிகாம் – 10 லட்சம்
ரிலயன்ஸ் கேபிடல் – 25 லட்சம்
இந்தியா புல்ஸ் – 50 லட்சம்
பன்னாரி அம்மன் சுகர்ஸ் -5 லட்சம்(மதுபான தயாரிப்பாளர்கள்)
சாதிக் பாட்சாவின் க்ரீன் ஹவுஸ் – 5 லட்சம்
மெட்றாஸ் சிமெண்ட்ஸ் – 2.5 லட்சம்
ஈடிஏ ஸ்டார் (மருத்துவ காப்பீடு) – 1 கோடி

இந்த நிறுவனங்கள் எல்லாம்  தமிழ்க்  கலைகளும்,
பண்பாடும்  வளர வேண்டும் என்று  மிகவும் வேண்டி,
விரும்பி, ஆசைப்பட்டு –
2ஜி அலவரிசை  ஒதுக்கப்பட்ட
2008 ஆம் ஆண்டு  மட்டும்  ஜெகத் கஸ்பரின்
நிறுவனத்திற்கு  இந்த அளவு “கொடை”  
அளித்துள்ளனவாம்.  

இந்த நிறுவனங்கள்  ஜெகத் கஸ்பரின்
புகழ்  தெரிந்து தாமாகவே  முன்வந்து கொடுத்தனவா –
இல்லை கஸ்பர்  போய் அவர்களைக் கேட்டு பெற்றாரா-
அல்லது வேறு எப்படி வந்தது –
என்பது சிபி ஐ விசாரித்தால் தெரிய வரலாம் !

“2ஜி அலைக்கற்றையை  முறைகேடான வழிகளில்
பெற்ற நிறுவனங்கள்,  ராஜா கூறியபடி  பல வழிகளில்
பணம்  பட்டுவாடா செய்திருக்கின்றன.  அதில் ஒரு வழி
தமிழ் மையத்திற்கு நன்கொடை” –  

—என்று  கூறியுள்ள  பிரசாந்த் பூஷன் –
சிபி ஐ  இது குறித்து தீவிரமாக
நடவடிக்கை எடுக்க வேண்டும் என்று கோரி உச்சநீதிமன்றத்தில்
மனு  கொடுத்திருக்கிறார்.

2ஜி யில் தொடர்புடைய   பெரிய பெரிய தொழில் புள்ளிகளை
எல்லாம்  சிபி ஐ  அள்ளிக் கொண்டு போய்  “உள்ளே”
வைத்திருக்கும்போது  ஜெகத் கஸ்பர் மட்டும்
இன்னும் “வெளியே”  இருப்பது எப்படி ?
இலங்கை விஷயத்தில் “அன்னை”க்கு  செய்த
“பணி”கள்  காரணமாக காட்டப்படும் “கருணை”யா ?

கொஞ்ச நாட்களாக  ஆள் வெளியே தலையே
காட்டுவதில்லை பார்த்தீர்களா ?   முகத்தைப் பார்த்தால்
யாருக்காவது இது பற்றி ஞாபகம் வந்து விடப்போகிறதே
என்கிற  பயமோ ?