வசிய எண்ணெய் -இந்த எண்ணெயுடன் உங்களது ரத்தம்/ சிறுநீர் சிறிது கலந்து…..

வசிய எண்ணெய் -இந்த எண்ணெயுடன்
உங்களது ரத்தம்/ சிறுநீர் சிறிது கலந்து…..

“வசிய எண்ணெய் – ரூ.5000/-
இந்த எண்ணெயுடன் உங்களது ரத்தம்/ சிறுநீர்
சிறிது கலந்து ஒரு வாரம் வைத்திருந்து –  
விரும்பியவருக்கு தலையில் சிறிது தடவவும்.  
இரண்டு, மூன்று முறை வைத்தால்
போதும். மேலும் அவர்கள் உபயோகிக்கும்
தேங்காய் எண்ணெயில் கலந்து விடவும்.
எதிரிகள் காலம் முழுவதும் வசியமாவார்கள்.”

பயங்கரமாக இருக்கிறதே – இது என்ன
என்று கேட்கிறீர்களா ?

இந்த வாரம் துக்ளக் இதழில் வெளிவந்திருக்கும்
ஒரு முழு பக்க விளம்பரத்தின் ஒரு பகுதி.
(முழுவதும் படித்தால் அரண்டு விடுவீர்கள் !)

துக்ளக்  வார இதழில் எப்படி இத்தகைய
விளம்பரம் வந்தது ?

1) துக்ளக் வாசகர்களை வாத்து மடையர்கள்
என்று எண்ணி விட்டார்களா ?  இல்லை –

2) மந்திர தந்திரம் என்று சொன்னால், துக்ளக்
வாசகர்களை நம்ப  வைப்பது சுலபம் என்று
நினைத்துக் கொண்டார்களா ?  இல்லை –

3) துக்ளக் கில்  விளம்பரம் செய்வது
மலிவானதா ? எளிதானதா ?   இல்லை –

4) ஆசிரியர் “சோ” துக்ளக்கின் தரத்தை
பாதுகாப்பதில் அக்கரை இழந்து விட்டாரா ?

வார இதழ் தானே – நாளிதழ் இல்லையே !
அச்சுக்குப் போகும் முன்னர்  ஆசிரியர்
அனைத்தையும் படித்து, பார்த்து –
ஒப்புதல் கொடுக்க வேண்டாமா ?