பாவம் – இந்த நாட்டின் பிரதமருடன் பேசிய அந்த பெண் …

visaalini-

முதலில், கீழே இருப்பது – ஆசிரியர் தினத்தையொட்டி
மத்திய அரசு ஏற்பாடு செய்திருந்த நிகழ்ச்சி பற்றிய ஒரு செய்தி –

———————–

டெல்லி: ஆசிரியர் தினத்தையொட்டி, நெல்லையை சேர்ந்த
15 வயது மாணவியுடன் வீடியோ கான்பரன்ஸ் மூலம் பேசிய
பிரதமர் நரேந்திரமோடி அவரது கேள்விக்கு விடையளித்தார்.

திருநெல்வேலி நீதிமன்றம் அருகேயுள்ள சங்கர் நகரில் வசிக்கும்
கல்யாண குமாரசாமி மற்றும் சேதுராக மாலிகா தம்பதியின்
மகள் விசாலினி. பாளையங் கோட்டை லட்சுமி ராமன் பள்ளியில்
ஒன்பதாம் வகுப்பு பயின்ற இவர் சிறுவயதிலேயே கம்ப்யூட்டர்
துறையில் பல்வேறு கடினமான தேர்வுகளில் தேர்ச்சி பெற்றார்.

இதை பாராட்டி, 15 வயதிலேயே ஸ்ரீவில்லிபுத்தூர் கலசலிங்கம்
பல்கலைக்கழகத்தில் கம்ப்யூட்டர் சயின்ஸ் துறையில் பிடெக்
முதலாம் ஆண்டில் பயில அனுமதிக்கப்பட்டுள்ளார்.

ஆசிரியர் தினத்தையொட்டி இன்று மத்திய மனிதவள மேம்பாட்டுத்
துறையின் ஏற்பாட்டில், நாடு முழுவதும் பத்து மாநிலங்களில்
சிறந்து விளங்கும் மாணவ, மாணவிகளுடன் காணொலி காட்சி
மூலம் பிரதமர் பேசுவதற்கு ஏற்பாடு செய்யப்பட்டிருந்தது.

இதில் விசாலினியும் ஒருவர் என்பது சிறப்பு.
ஒவ்வொரு, நகரிலுள்ள சிறந்த மாணவ, மாணவிகளிடம்
பேசிக்கொண்டு வந்தபோது, நெல்லை மாணவியிடமும்
பிரதமர் பேசினார்.

விசாலினி தனது பேச்சை, பிரதமருக்கு வணக்கம் என்று சொல்லி
ஆரம்பித்தார். உடனடியாக, பிரதமர் மோடியும், வணக்கம் என்று
பதிலுக்கு தமிழிலேயே தெரிவித்தார்.

விசாலினி கேட்டது: நான் நாட்டுக்கு சேவை செய்ய வேண்டும் என்று விரும்புகிறேன். எந்த வகையில் அந்த சேவை செய்யப்பட வேண்டும் என்று எனக்கு நீங்கள் வழிகாட்ட முடியுமா?

பிரதமர் பதில்: ராணுவத்தில் சேர்ந்தோ, அல்லது அரசியலுக்கு வந்தோதான் நாட்டுக்கு சேவையாற்ற வேண்டும் என்பது இல்லை. நாட்டிற்கு சேவை ஆற்ற பல வழிகள் உள்ளன.
பட்டமும், வேலையும் மட்டும்தான் நமது தேவை என்று நினைப்பதை நிறுத்த வேண்டும். நமது தேவை, பல்வேறு வகைகளிலான வெளிப்படையான, வித்தியாசமான சிந்தனைகள்.
வீட்டில் அநாவசியமாக செயல்படும் மின்சாதன பொருட்களை ஆஃப் செய்து, மின்சாரத்தை மிச்சம் பிடிப்பது கூட தேசத்துக்கு நீங்கள் செய்யும் சேவைதான். போதிய அளவுக்கு மட்டும் சாப்பிட்டுவிட்டு, உணவுகளை வீணாக்காமல் இருப்பதும்
நீங்கள் நாட்டுக்கு செய்யும் சேவைதான்.

( Read more at: http://tamil.oneindia.com/news/
india/pm-answered-tirunelveli-girl-student-visalini-
s-question-video-conference-234971.html )

———————–

ஒன்பதாம் வகுப்பு படிக்கும்போதே கம்ப்யூட்டர்
துறையில் பல்வேறு கடினமான தேர்வுகளில் தேர்ச்சி பெற்று,

சிறப்பு சலுகையாக, 15 வயதிலேயே கலசலிங்கம் பல்கலையில்
கம்ப்யூட்டர் சயின்ஸ் துறையில் பிடெக் பயில அனுமதிக்கப்பட்ட
ஒரு மாணவியை,

அவரது சாதனைகளை பாராட்டும் விதமாகத்தான், பிரதமருடன்
பேசும் நிகழ்வுக்கு தேர்ந்தெடுக்கப்பட்டார்.

இந்த நாட்டின் பிரதமருடன் பேசப்போகிறோம் என்கிற
பெருமையுடனும், மகிழ்ச்சியுடனும், அந்தப்பெண் பிரதமரிடம் –

“நான் இந்த நாட்டிற்கு சேவை செய்ய விரும்புகிறேன்…
நீங்கள் எனக்கு வழிகாட்ட முடியுமா ?”
என்று ஆங்கிலத்தில் கேட்டு விட்டு – பிரதமரின் பதிலுக்காக காத்திருக்கிறார்.

பிரதமரின் பதிலைக்கேட்டு, அவர் என்ன சொல்கிறார் என்பதே
புரியாமல் விழித்துக் கொண்டிருக்க வேண்டிய பரிதாப நிலை
அந்த பெண்ணுக்கு உண்டானது.

காரணம் – ஆங்கிலத்தில் இவர் கேட்ட கேள்விக்கு –
இவருக்குத் தெரியாத –
“இந்தி மொழி”யில் பதில் சொன்ன பிரதமர்..!

( தமிழ் மொழியில் சப்-டைட்டில் பின்னர் சேர்க்கப்பட்டது )

நம்மிடம் ஒருவர் எதாவது கேட்டால் –
அவர் பேசிய மொழி நமக்கு தெரியும் என்றால் –
அதே மொழியில் பதில் அளிப்பது தான் பண்பாடு.

இந்த நாட்டின் பிரதமர் இந்த குறைந்த பட்ச நாகரிகத்தை கூட
மதிக்காமல் – நான் இந்தி மொழியில் தான் பேசுவேன் என்று
பிடிவாதம் பிடிப்பது – இந்த நாட்டின் ஒற்றுமைக்கு நல்லதல்ல.

“பெண்ணே, நீ இத்தனை சிறிய வயதில் எத்தனை சாதனை
செய்திருந்தால் தான் என்ன ? இந்தி தெரியாத வரையில் –
உன் சாதனைகளால் என்ன பயன் ? ”

– என்பது தானே இதற்கு அர்த்தம்…?

நாட்டு மக்கள் அனைவரும் விரும்பும் வரையில்,
இந்தியோடு, ஆங்கிலமும் அரசு மொழியாகத் தொடரும்
என்பது பாராளுமன்றத்தில், இந்தி மொழி பேசாத மக்களுக்கு
கொடுக்கப்பட்டிருக்கும் உறுதி மொழி.

காங்கிரஸ் ஆட்சிக் காலத்தில் கூட, இந்தியை திணிக்க
பயப்பட்டார்கள். தென்னிந்திய மக்களின் உணர்வுகளுக்கு
மதிப்பு கொடுக்க வேண்டிய கட்டாயத்தில் இருந்தார்கள்.

ஆனால், மோடிஜி பதவியேற்ற தினத்திலிருந்தே, பாஜக அரசு
முடிந்த வழிகளில் எல்லாம் இந்தியை திணிக்க –

மறைமுகமாக கூட அல்ல –

நேரடியாகவே முயன்று கொண்டிருக்கிறது.

இந்த நாட்டின் ஒருமைப்பாடு, மற்றும் ஒற்றுமை -க்கு
இது நல்லதல்ல என்பதோடு மட்டுமல்ல ….

இந்த போக்கு – பாஜக வுக்கே நல்லதல்ல…..!!!

பின் குறிப்பு –

அந்தப் பெண் விசாலினிக்கும், அவளுக்கு உறுதுணையாக
இருந்த பெற்றோர், ஆசிரியர்கள், பள்ளி, கல்லூரி நிர்வாகத்தினர்
அனைவருக்கும் நமது மனமார்ந்த பாராட்டுக்களையும்,
வாழ்த்துக்களையும் தெரிவித்துக் கொள்வோம்..
எதனைப்பற்றியும் கவலைப்படாமல், அவள் மேலும் மேலும்
தொடர்ந்து சாதனைகளைப் படைக்க வாழ்த்துவோம்.

Gallery | This entry was posted in அரசியல், அரசியல்வாதிகள், இணைய தளம், கட்டுரை, தமிழ், பொது, பொதுவானவை, Uncategorized. Bookmark the permalink.

பாவம் – இந்த நாட்டின் பிரதமருடன் பேசிய அந்த பெண் … க்கு 21 பதில்கள்

  1. தமிழ்ச்செல்வன் சொல்கிறார்:

    இந்த இந்தி வெறியர்கள் தமிழ்நாட்டிற்கு
    வரும்போதும், இந்தியில் உரையாட அனுமதித்தால்,
    நாம் சூடு, சொரணை அற்றவர்கள் என்றே அர்த்தம்.

  2. seshan சொல்கிறார்:

    we are considering the English as a business language , why not we consider the Hindi as a national business language…. i think it is a right time to think in positive way…..

    as a nri i observed not knowing hindi means lack of qualification only….not only carrier/work in general day to day activity like also…..

    • vimarisanam - kavirimainthan சொல்கிறார்:

      சேஷன்,

      மன்னிக்கவும். நீங்கள் பிரச்சினையின் அடிப்படைக்கு
      செல்லவில்லை என்று தோன்றுகிறது.

      அவரவர், தொழில், வியாபாரம் மற்றும் மேற்படிப்பு
      போன்ற தேவைகளுக்காக –
      எந்த மொழியை வேண்டுமானாலும்,
      எத்தனை மொழிகளை வேண்டுமானாலும் கற்றுக் கொள்ளலாம்.
      இதை யாரும் தடுப்பதில்லை. இன்றைய தினம் எந்த மொழியை
      வேண்டுமானாலும், எந்த வயதில் வேண்டுமானலும்
      கற்றுக் கொள்ளக்கூடிய வசதிகள் வந்து விட்டன.

      நான் எதிர்ப்பது – மொழித் திணிப்பை….
      இந்தி, ஆங்கிலம் இரண்டும் இந்தியாவின் ஆட்சிமொழியாக
      தொடர்வது மிக மிக அவசியம்.

      ஏன் ….?

      அகில இந்திய அளவில் –
      இந்தியை (சுத்த இந்தி) தாய் மொழியாகக்
      கொண்டவர்களின் சதவீதம் – சுமார் – 25.79 மட்டுமே.
      இந்தியைப் போன்ற/சார்ந்த இதர
      மொழிகளை தாய்மொழியாகக் கொண்டவர் சதவீதம் -சுமார் – 16 .
      ஆக மொத்தம் இந்தி பேசக்கூடியவர்களின் சதவீதம் -41 -42 மட்டுமே.

      மீதம் 58 சதவீதம் பேர் இந்தி அல்லாத பிற மொழிகளை
      தாய்மொழிகளாகக் கொண்டவர்கள்.

      இந்தியை மட்டும் தேசிய அலுவலக மொழியாக ஏற்றால் –
      இந்த 42 சதவீதம் பேருக்கு இதர 58 சதவீதம் பேரை விட
      எல்லா விதங்களிலும் அதிக சலுகைகள் கிடைக்கும்.

      ஒரு மொழியை தாய் மொழியாக கொண்டவருக்கும்,
      பிற மொழிக்காரர் அதை கற்றுக் கொள்வதற்கும்
      நிறைய வேறுபாடுகள் இருக்கின்றன.

      தாய்மொழிக்காரர் மற்ற மொழிக்காரரின் மீது ஆதிக்கம்
      செலுத்தும் நிலை ஏற்படுகிறது.

      இந்தி அறியாதவர்கள் இரண்டாந்தர குடிமகனாக
      நடத்தப்படும் நிலை ஏற்படுகிறது.

      மத்திய அரசு நடத்தும் அனைத்து தேர்வுகளிலும்,
      இந்திக்காரர்கள் முதல் இடம் பிடிப்பார்கள்.

      இந்தியா இந்தி தெரிந்தவர்களுக்கு மட்டும் தான் சொந்தம்
      என்று சொல்லப்படுவதை நீங்கள் ஏற்கிறீர்களா …?

      தானாக விரும்பி கற்றுக் கொள்வது வேறு –
      கட்டாயப்படுத்தி திணிப்பது வேறு…

      மொழித்திணிப்பை பற்றி சொல்ல நிறைய இருக்கிறது.
      ஆனால் இது பொருத்தமான இடம் அல்ல.

      எனவே கோடி காட்டிவிட்டு -தாண்டிச்செல்கிறேன்.
      உங்களால் புரிந்து கொள்ள முடியும் என்று நினைக்கிறேன்.

      – தமிழர்கள் தாராளமாக இந்தி மொழியை கற்றுக் கொள்ளலாம்.
      அதற்கான வசதிகளும் செய்து தரப்படலாம்.
      ஆனால் அது அவர்கள் மீது திணிக்கப்படவோ,
      கட்டாயப்படுத்தப்படவோ கூடாது. அது முழுமூச்சுடன்
      எதிர்க்கப்பட வேண்டிய விஷயம்.

      கடந்த இருநூறு ஆண்டுகளாக ஆட்சிமொழியாக இருந்த
      ஆங்கிலத்தை அகற்றி விட்டு –
      இந்தி மட்டுமே இந்தியாவின் ஆட்சி மொழியாக
      வேண்டும் என்பது எந்த காலத்திலும் ஏற்றுக் கொள்ளப்பட
      முடியாத விஷயம்.

      பின் குறிப்பு – ஒரு முக்கியமான விஷயம் –
      எனக்கு இந்தி பேச, படிக்க, எழுத – ஓரளவு நன்றாகவே தெரியும்.
      நான் பள்ளியில் படிக்கவில்லை. நானாகத்தான்
      கற்றுக் கொண்டேன்.

      -வாழ்த்துக்களுடன்,
      காவிரிமைந்தன்

      • Ramaswamy thamilan சொல்கிறார்:

        இந்தி என்பது கீழ்தட்டு மக்கள் பேசும் மொழியாகவே நிறைய இடங்களில் மதிக்க படுகிறது
        வளை குடா நாடுகளில் இந்தி ஒரு முக்கியமான தொடர்பு மொழி உண்மையே.. ஏன் எனில் படிப்பறிவில்லாத உடல் உழைப்பை நம்பி வாழும் மக்கள் இங்கே அதிகம்..
        ஒரு விஷயம் மட்டும் எனக்கு புரியாதது.. வட நாட்டினரும் இந்தி பேசுகிறான் அவனை எதிரியாக பார்க்கும் பாகிஸ்தானியும் இந்தி பேசுகிறான், பங்காளியும் ஆப்காஹானியும் இந்தி பேசுகிறான்..
        தினமும் நிறைய மக்களை சந்திக்கும் வாய்ப்பு இருக்கும் வேலை என்னுடையது..
        ஒரு அரபி பெரியவரை சந்திக்கும் வாய்ப்பு அடிக்கடி கிடைக்கும் அவர் ஒரு மத போதகர்.. அவர் என்னை அடிக்கடி இந்தியில் பேசு என்று சொல்லுவார்.. காரணம் கேட்ட போது hindi is the gate way for islam உலகம் முழுதும் இஸ்லாம் பரவுகிறது நாளை நீங்கள் இஸ்லாம் வரும் போது ??? எங்களுடைய பெர்சிய அரபி மொழி வகைகளுள் ஒன்றான இந்தி உங்களுக்கு உதவும் என்றார்…
        முதல் உண்மை இந்தி இந்தியாவின் மொழி அல்ல முகலாயர்களால் இங்கு திணிக்க பட்டது..
        முதல் இலக்கணம் இந்தியா விடுதலை பெற்ற பின்னல் 1952 உருவாக்க பட்டது அப்படி என்றால் அது தேசிய மொழி ஆனா பின்னர் அதன் இலக்கணம் உருவாக்க பட்டாசு என்ற அர்த்தம்

        I can speak all south indian languages with hindi..

        ராமசாமி

  3. Pingback: பாவம் – இந்த நாட்டின் பிரதமருடன் பேசிய அந்த பெண் … | Classic Tamil

  4. thiruvengadam சொல்கிறார்:

    இது போன்ற அயல்மொழி உரையாடல்களில் காமெராவில் வராத அளவில் மின்சாதனங்கள் உதவி பெறுகிறார் என்று ஊடகச்செய்திகள் வந்துள்ளது போல் செய்திருக்கலாம். லைவ் தவிர்த்து பின் ஒளிபரப்பில் மொழிமாற்ற ஏற்பாடு / நாடளுமன்ற மொழிபெயர்ப்பாளர்கள் சேவை மூலம் இருவருமே அவரவர் மொழி பேசி நிகழ்ச்சி சிறப்படைந்திருக்க….

  5. johan-paris சொல்கிறார்:

    மோடி அவர்களுக்கு, இச் சிறுமிக்கு புரியும்படி ஆங்கிலத்தில் பதில் கூற முடியவில்லையோ?
    கணணித் துறையில் சாதனை புரிந்த மாணவி என்று தெரிந்தும் , அவர் பதில் இது தான் எனின், இப்பதிலால் இந்த மாணவி பெற எதும் இல்லை.
    இருதய அறுவைச் சிகிச்சை நிபுணரிடம், விழுந்து சிராய்த்த புண்ணுக்கு மருந்து கட்டச் சொல்லியது போலுள்ளது.

    • vimarisanam - kavirimainthan சொல்கிறார்:

      நண்பரே,

      இது இரண்டாவது பிரச்சினை.
      தன்னை எல்லாம் தெரிந்தவராக நினைத்துக் கொள்வதால்
      வரும் பிரச்சினை….

      பிரமாதமாக சாதனைகள் புரிந்து,
      15 வயதில் பி.டெக். படிக்கும் மாணவி
      நான் எதிர்காலத்தில் நாட்டுக்காக பணியாற்ற விரும்புகிறேன்.
      நான் என்ன செய்யலாம் என்று ஆலோசனை கூறுங்கள் என்றால் –

      வீட்டில் கரெண்டை மிச்சப்படுத்து..
      சாப்பிடும்போது வீணாக்காமல் சோற்றை மிச்சப்படுத்து ….

      இதெல்லாம் தான் ஆலோசனகள் …..
      தலையெழுத்து ……!

      -வாழ்த்துக்களுடன்,
      காவிரிமைந்தன்

      • vimarisanam - kavirimainthan சொல்கிறார்:

        இதோ இன்னுமொரு அறிவுச் சிதறல் ….

        பருவநிலை மாற்றம் என்று எதுவும் இல்லையாம்…
        வயதானவர்கள், தங்கள் முதுமை காரணமான
        இயலாமையால் அப்படி கூறுகின்றனராம்….

        இந்த வருடம் “நோபல் பரிசு ” நிச்சயம்….

        • சைதை அஜீஸ் சொல்கிறார்:

          இந்த அறிவு ஜீவி-ஐ கொஞ்ச நாட்கள் நம் சென்னையில் வந்து தங்க சொல்லுங்க! செப்டம்பரில் அடிக்கும் வெயிலை ருசித்தால் புரியும். இவனுங்கலெல்லாம் நம்மை ஆளப்பிறந்தவர்கள். நாடு வல்லரசேதான்!

  6. balu mahendran சொல்கிறார்:

    மோடிக்கு ஆங்கிலத்தில் சரளமாகப் பேசத் தெரியாது என நினைக்கிறேன். இது கூட அவர் ஹிந்தியில் பதிலளித்ததுக்கு காரணமாக இருக்கலாம்.
    அது சரி. உங்களிடம் ஒரு கேள்வி. ஏன் மோடியை மட்டும் நீங்கள் மோடிஜி என்றே குறிப்பிடுகிறீர்கள். வேறு எவரையேனும் இப்படி ஜி போட்டு எப்பொழுதும் குறிப்பிடுகிறீர்களா?

  7. R Subramanian சொல்கிறார்:

    Sir, Mody is more comfortable in speaking Hindi. He finds difficulty in speking English.

  8. Rajalakshmi சொல்கிறார்:

    ROMBA SARI . ANDHA PONNU YENNA TAMIZHULAYA PESINADHU? ENLISH PARAVAYILLE NAMADHU NATTU MOZHI HINDI VENDAMA?HINDI VENDAMNA YAARUKKU NASHTAM? IPPADI MODI SEYYARA OVVORU SEYALAYUM VIMARISIKKARA NEENGALLELLAM MATRA ALUM NABARGALAI IPPADI PAARTHADHE ILLAYE?YENAKKU YEN THAI MOZHI TAMIZH DHAN PIDIKKUM. ANA ADHAI THAVIRA VERU YENDHA INDHIYA MOZHOYUM THERIYADHU.APPO HINDI PESARA MAKKALIN VIRODHIYA NAAN?

    • johan-paris சொல்கிறார்:

      ரொம்ப சரி.அந்தப் பொண்ணு என்ன தமிழிலயா பேசினது? இங்கிலிஸ் பரவாயில்லே, நமது நாட்டு மொழி இந்தி வேண்டாமா? இந்தி வேண்டாம்னா யாருக்கு நஷ்ரம்? இப்படி மோடி செய்யற ஒவ்வொரு செயலுக்கும் விமர்சிக்கிற நீங்களெல்லாம் மற்ற ஆழும் நபர்களை இப்படி பார்த்ததே இல்லையே? எனக்கு என் தாய்மொழி தமிழ் தான் பிடிக்கும் ஆனா அதை தவிர வேறு எந்த இந்திய மொழியும் தெரியாது. அப்பொ இந்தி பேசும் மக்களின் விரோதியா? நான். //

      சகோதரி! உங்களுக்கு தமிழில் எழுத வசதியில்லையானால், ரோமனில் எழுதும் போது சிறிய எழுத்தில் எழுதினால் அதை , உருமாற்றியுள் வெட்டி ஒட்டி, நீங்கள் கூற வந்ததை வாசிக்க சிரமமிராது. இதை மீண்டும் தட்ட மிக நேரமெடுத்தது.
      நிற்க…. அந்தப் பெண், பிரதமருக்குத் தமிழ் தெரியாது எனப் பெருந்தன்மையுடன் , ஆங்கிலத்தில் பேசிய போது, அவர் ஆங்கிலத்திலே பதில் கூறியிருக்கலாம். இதை விட்டு அப்பெண்ணுக்கு அதிக புலமையில்லா
      இந்தியில் பேசியது ஏன்? என்பதே இங்கே..எழும் பிரச்சனை.
      பிரதமருக்கு ஆங்கிலத்தில் இந்தியளவு ஆழுமையில்லாவிடில், அவர் கூறிய பதிலுக்கு அவருக்குத் தெரிந்த ஆங்கிலம் போதும்.
      இதை யாரு செய்தாலும் விமர்சிப்பார்கள். மோடிக்கு ஒரு சலுகையும் செய்யவில்லை.
      இந்தியாவின் பொது மொழி – தொடர்பு மொழி – ஆங்கிலம். அந்த ஆங்கிலத்தில் கேட்கப்படுவதற்கு எதில் பதில் சொல்லவேண்டுமென தீர்மானியுங்கள்.
      இந்தி – இந்திய மொழி அது இருக்கட்டும், ஆனால் திணிப்பு வேண்டாம். விரும்பியவன் படிக்கட்டும், பயன் பெறட்டும்.
      எல்லா மொழிக்கும் பொதுவான பிரதமர் – இந்தி பிரசாரகராக மாறாதிருப்பதே சிறப்பு.
      இந்தி தெரியாததால் நஷ்ரம் என்கிறீர்கள். இந்தி தெரிந்த வட நாட்டார் பலர்- ஏன்? தென்னகம் வருகிறார்கள் பிழைப்புக்கு.
      தாய் மொழியைப் பிடிப்பது இயல்பு, நம்மில் பலர் தொழில் வாய்ப்புக்காக அதை அக்கறையுடன் கற்பதில்லை.
      உலகிலே தாய் மொழி சரியாகத் தெரியாத இளைஞர் பட்டாளம் உள்ள இடம், தமிழகம்.
      உங்களுக்குத் தாய் மொழி தவிர்ந்து வேறு ஒரு இந்திய மொழி கற்கும் ஆர்வமோ, தேவையோ இருந்தால் கற்கவும்.
      ஆர்வமோ, தேவையோ இல்லாதவனைக் கற்க , தள்ளும் போது வெறுப்பு ஏற்படுவது இயல்பு.
      ஆனால் அவை தெரியாததால் , ஏனையோருக்கு எதிரியாகி விடுவோமோ எனும் வீண் அச்சம், வேண்டாம். அதை அரசே உருவாக்கக் கூடாதென்பதே!
      கவலை.
      சற்றுச் சிந்தியுங்கள் 50 ஆண்டுகளில்,இந்தியாவில் உள்ள அனைவருக்கும் இந்தி, தாய் மொழியுடன் தெரிந்தால், அடுத்த நடவடிக்கை – ஒரு மோடியோ, சாடியோ – வந்து , எல்லோருக்கும் இந்தி தெரிகிறது தானே, பின்பு ஏன் ? தாய் மொழி என்று கூறினாலும் நம் நாடுகளில் ஆச்சரியப்படக்கூடாது.
      நெருப்புக் கொள்ளியால் தலை செறிய வேண்டாம்.
      ஆசையும் தேவையும் இருந்தால், அத்தனை மொழியையும் படியுங்கள்.

    • தமிழ்ச்செல்வன் சொல்கிறார்:

      for everybody’s information please.

      http://www.seythigal.com/?p=7637

      ஹிந்தி வேண்டாம் என்றால் பள்ளிக் கூடம் வராதீர்கள் –
      சுப்ரமணிய சாமி
      September 7, 2015 | அரசியல்

      ட்வீட்டரில் அடிக்கடி சர்ச்சைக்குரிய கருத்துகளை கூறிவரும்
      பாரதிய ஜனதாக் கட்சித் தொண்டர்களில் ஒருவரான சுப்ரமணியம்
      சாமி இப்போது ஹிந்தி திணிப்பு குறித்தும் திருவாய் மலர்ந்துள்ளார்.

      “தமிழகத்தில் மும்மொழிப் பாடத்திட்டம் கொண்டு வர வேண்டும்.
      தமிழ், ஆங்கிலம், தவிர ஹிந்தியும் கட்டாயமாக்கப்பட வேண்டும்.
      அப்போது ஹிந்தி வேறு வழியின்றி கற்றுக் கொள்ள நேரிடும்.
      இல்லையென்றால் பள்ளிக் கூடம் பக்கம் வராமல் இருப்பது தான்
      ஒரே வழி” என்று கூறியுள்ள சுனா சானா,
      ”விஜயகாந்தை நேரில் சந்தித்தேன். நல்ல ஆரோக்கியத்துடனும்,
      மெலிந்தும் காணப்படுகிறார். தமிழகத்தில் ஹிந்தி கற்பதன்
      அவசியத்தை அவர் ஒப்புக் கொண்டுள்ளார்.

      இந்தியர்களுக்குள் பேசிக் கொள்ள ஒரு பொது மொழி அவசியம்.
      அது சமஸ்கிரதமாகவோ அல்லது சமஸ்கிரத தாக்கமுள்ள
      ஹிந்தியாகவோ இருக்க வேண்டும். அடுத்த 50 ஆண்டுகளில்
      இது நடக்கும்” என்றும் கூறியுள்ளார்.

  9. D. Chandramouli சொல்கிறார்:

    That Modiji is not comfortable speaking in English might be accepted. At least, the PM could have kept a translator standby to convey his reply to the girl in English.

  10. vimarisanam - kavirimainthan சொல்கிறார்:

    மோடிஜி கலந்து கொண்ட இரண்டு நிகழ்ச்சிகளுக்கு
    நான் நேரில் சென்றிருக்கிறேன். விழாவிலும் சரி,
    பிறகு தனிப்பட மற்றவர்களுடன் பேசிக்கொண்டிருந்த
    போதும் சரி அவரால் சாதாரண ஆங்கிலத்தில் பேச
    முடிந்ததை கவனித்தேன்.
    ( அவர் எம்.ஏ.-பொலிடிகல் சைன்ஸ் – ஆங்கில மீடியாவில்
    படித்தவர் என்பதையும் கவனத்தில் கொள்ள வேண்டும்…)

    இந்தியில் இருக்கிற மொழி ஆளுமை, அவருக்கு
    ஆங்கிலத்தில் இல்லை என்பதும் –
    இந்தியில் பேசுவது போல், கவர்ச்சிகரமாகவும்,
    ஏற்ற இறக்கங்களுடனும் –
    அவரால் ஆங்கிலத்தில் பேச முடியவில்லை
    என்பதும் சரியாக இருக்கலாம்.

    இந்த நிகழ்ச்சியை விடுங்கள்.

    பாஜக அரசு – இந்தி திணிப்பில் ஈடுபட்டிருக்கிறதா
    இல்லையா என்பது தான் விவாதப் பொருள் என்று
    கொள்ள வேண்டும்.

    மிகத்தீவிரமாக ஈடுபட்டிருக்கிறது – அது தவறு –
    என்பது தான் நம் வாதம்….
    ( ஏன் தவறு என்பதை ஏற்கெனவே, மேலே நண்பர் சேஷனுக்கு
    எழுதிய மறுமொழியில் விளக்கி இருக்கிறேன்…. )

    -வாழ்த்துக்களுடன்,
    காவிரிமைந்தன்

  11. Ganpat சொல்கிறார்:

    இதே அடிப்படையில் நாளை பில் கேட்ஸ் அல்லது ப்ருனெய் சுல்தான் இவரிடம் “நான் இந்தியாவிற்கு ஏதேனும் உதவி செய்ய விரும்புகிறேன்.என்ன செய்யலாம் என சொல்லுங்கள் ?” என்று ஆங்கிலத்தில் கேட்டால்,இவர் “உதவி என்பது பண அளவில் இல்லை ஆயிரம் டாலர் கொடுத்தாலும் அதுவும் உதவியே !” என ஹிந்தியில் பதிலளிக்காமல் இருக்க வேண்டும்.😉

    • vimarisanam - kavirimainthan சொல்கிறார்:

      வருக கண்பத்,

      தலைவர் ஆஸ்திரேலிய பாராளுமன்றத்தில் தொடர்ந்து
      10 நிமிடங்களுக்கு right, left and centre-ல்
      பார்த்துக் கொண்டு – ஆங்கிலத்தில் உரையாற்றியது
      இப்போது தான் எனக்கு நினைவிற்கு வருகிறது….!

      அது எப்படி நிகழ்ந்தது என்று எதாவது
      வெளிச்சத்திற்கு வந்ததா …?

      -வாழ்த்துக்களுடன்,
      காவிரிமைந்தன்

  12. புது வசந்தம் சொல்கிறார்:

    இந்த இடுகை ஒரு செய்தியை பகிர்கிறேன், இது நாள் வரையில் என் நினைவில் உள்ளபடி முன்பதிவு அட்டவணையில் பயணிகள் பெயர் ஆங்கிலத்தில் மட்டுமே இருந்தது. நேற்றைய தினம் இரயில் நிலையத்தில் முன்பதிவு அட்டவணையில் பெயர் பெயர் ஹிந்தி மற்றும் ஆங்கிலத்தில் இருந்தது. இந்த இரயில் தமிழகத்தின் தென் மாவட்டத்திலிருந்து சென்னைக்கு இயக்கப்படுகிறது. இதன் பயண எல்லை தமிழகத்திற்குள்ளாக மட்டுமே. இதில் தமிழிலும், ஆங்கிலத்திலும் பெயர் பட்டியல் அமைவதே மிக நல்லது.

  13. விசாலினிக்கு எமது வாவ்த்துகளும்

பின்னூட்டங்கள் மூடப்பட்டுள்ளது.