மோடிஜிக்கு போட்டியாக – பாஜகவிலேயே அடுத்த பிரதமர் ரெடி….!!!

 

 

பாஜக வில் மோடிஜியை விட்டால், ஓட்டுக்களை
கவர்ந்திழுக்கும் சக்தி வேறு யாருக்கு இருக்கிறது…?
எனவே, போட்டியே இல்லாமல் அடுத்த 20 ஆண்டுகளுக்கு
மோடிஜி தான் பிரதமர் என்று நம்பிக்கையுடன் கூறி
வந்தனர் பாஜகவில் உள்ள மோடிஜி ரசிகர்கள்.

அதெல்லாம் மார்ச் 18 -க்கு முன்னால்….!!!

மூத்த தலைவரான அத்வானிஜியை சுலபமாக
ஒதுக்கி ஓரந்தள்ளிவைக்க முடிந்த மோடிஜிக்கு இப்போது
ஒரு புதிய போட்டி அவரது கட்சியிலிருந்தே கிளம்பி இருக்கிறது…..!

கீழே செய்தியை பாருங்களேன் –

——————————————–

மோடிக்கு செக் வைக்கும் உபி முதல்வர் –

உ.பி. முதல்வராகிவிட்ட சர்ச்சை சாமியார் யோகி ஆதித்யநாத்
ரசிகர்கள் இப்போதே யோகி தான் அடுத்த பிரதமர் என்கிற
கனவில் மிதக்க தொடங்கிவிட்டனர்.

நாட்டின் மிகப் பெரிய மாநிலமான உத்தரப்பிரதேசத்தின்
முதல்வராகிவிட்டார் சர்ச்சை சாமியார் யோகி ஆதித்யநாத்..
ஆனால் அவரது சாமியார் ரசிகர்களோ இன்றைக்கு யோகி
ஆதித்யநாத் முதல்வர்.. நாளைக்கு நாட்டின் பிரதமர் என கனவில்
மிதந்து வருகின்றனர். 5 முறை எம்.பி.யாக தேர்ந்தெடுக்கப்பட்டவர்…

உத்தரப்பிரதேசத்தின் கோரக்பூர் மடாதிபதி.. 44 வயதாகும் யோகி
ஆதித்யநாத், இஸ்லாமிய வெறுப்பு பேச்சுகளால்
இந்துத்துவாவாதிகளில் கொண்டாடப்படுகிறவர். இவருக்குத்தான்
உத்தரப்பிரதேசத்தின் முதல்வர் பதவி என்கிற மகுடத்தை
சூட்டியுள்ளது பாஜக.

இஸ்லாமியர்களுக்கு எதிராக விஷம பிரசாரத்தை மேற்கொள்வதை
மட்டுமே முழுநேர பணியாக செய்பவர்… இப்படி பேசியே
இந்துக்களின் வாக்குகளை ஒருமுகப்படுத்தியவர்… இதற்காகத்தான்
இப்போது முதல்வர் ஆசனத்தில் அமரவைக்கப்பட்டுள்ளார் யோகி
ஆதித்யநாத். ஆனாலும் இந்த சர்ச்சை சாமியாரின் அடிப்பொடிகளுக்கு திருப்தி இல்லையாம்…

2019-ம் ஆண்டு லோக்சபா தேர்தலில் இந்துக்களின் வாக்குகளை
ஒருமுகப்படுத்துவதில் யோகி ஆதித்யநாத்தின் பங்கு பிரதானமாக
இருக்குமாம்..

லோக்சபா தேர்தலின் போது மோடியை விட அவர் வலிமையான
சக்தியாக வளர்ந்துவிடுவார் என்கின்றனர்.

யோகி ஆதித்யநாத்தின் தந்தை ஆனந்த் சிங் பிஸ்ஸும் கூட,
நாட்டின் மிக முக்கியமான மாநிலத்தின் முதல்வராகிவிட்டார்…

விரைவில் பிரதமர் நாற்காலியில் மகன் அமர்ந்துவிடுவார்
என்கிறார் நம்பிக்கையோடு.

…….
………

( http://tamil.oneindia.com/news/india/yogi-adityanath-s-fans-want-up-cm-be-pm/slider-pf227581-277394.html )

—————————————————–

வல்லவனுக்கு வல்லவன் – கில்லாடிக்கு கில்லாடி…
அடுத்தடுத்து தோன்றுவது உலகில் சகஜம் தானே….?

மோடிஜியின் ஸ்டைலிலேயே –
அவரைப்போலவேயும், அவரை விட வேகமாகவும் –
உணர்வுகளை தூண்டும் விதத்தில்
(முக்கியமாக – இந்தியில்) பேசவும்,

வெளிப்படையாகவே மத உணர்வுகளைக் கிளப்பி விடவும்
மற்றொருவர் உருவாகி விட்டார். உ.பி.யோடு கிடந்த அவரை
இப்போது, அகில இந்திய அளவில் பிரபலப்படுத்தியாகி
விட்டது…..

இதன் விளைவுகளை அனுபவித்து தானே ஆக வேண்டும்…!

மோடிஜியை விட இவருக்கு அதிகப்படியான தகுதிகள்
வேறு இருக்கின்றன….

1) திருமணமே ஆகாத கட்டை பிரம்மச்சாரி…
தீட்சை பெற்ற சந்நியாசி…!!!

2) மோடிஜியை விட மிக குறைந்த வயதுடையவர்…

3) மோடிஜி – இந்தி பேசும் குஜராத்திக்காரர்…
ஆனால், இவரோ இந்தி மாநிலமான உத்திர பிரதேசத்துக்காரர்…!

4) மோடிஜியின் கலர் கலரான,
மாடர்ன் உடைகளுக்கு பதிலாக,
மக்களை (முக்கியமாக நாட்டுப்புற….)
கவரும் – காவி உடை., மொட்டைத்தலை…!!!

பாவம் மோடிஜி – எதிர்பார்த்திருக்கவே மாட்டார்…
அவருக்கு எதிராக பாஜகவிலேயே இப்படி
ஒரு போட்டியாளர் கிளம்புவார் என்று……..!!!

——————————

பின் குறிப்பு – இது குறித்து பாஜக ஆதரவாளர்களின்
கருத்துகளை அறிய விரும்புகிறேன்….

என்னுடைய கருத்தை
கேட்கிறீர்களா ….?

” வஞ்சிக்கோட்டை வாலிபன்”
பி.எஸ். வீரப்பாவின் வசனமே தான்
” சபாஷ் – சரியான போட்டி…” 🙂 🙂 🙂

Advertisements
படத்தொகுப்பு | This entry was posted in அரசியல், அரசியல்வாதிகள், இணைய தளம், கட்டுரை, தமிழ், பொது, பொதுவானவை, Uncategorized. Bookmark the permalink.

43 Responses to மோடிஜிக்கு போட்டியாக – பாஜகவிலேயே அடுத்த பிரதமர் ரெடி….!!!

  1. இளங்கோ சொல்கிறார்:

    கே.எம்.சார்,

    உங்கள் கட்டுரையை படித்து சிரித்து சிரித்து
    வயிறு சுளுக்கிக் கொண்டு விட்டது.
    பாவம் மோடிஜிக்கு இப்படி ஒரு மொட்டை வில்லனா ?

  2. LVISS சொல்கிறார்:

    I can only feel sorry for you — What more can I say –

    • vimarisanam - kavirimainthan சொல்கிறார்:

      நண்ப எல்விஸ்,

      யார், யாரைப்பார்த்து பரிதாபப்படுவது
      என்று தான் தெரியவில்லை..!

      உங்களுக்கு comic sense – சுத்தமாக இல்லையே…
      நகைச்சுவை எது, சீரியஸ் எது என்று கூட
      உங்களுக்கு புரியவில்லையா ..?
      நக்கல், கிண்டல் – எதையும் ரசிக்க மாட்டீர்களா…?
      பாஜக அபிமானம் மற்ற எல்லா உணர்வுகளையும்
      அழுத்தி விட்டதா…?

      why are you so serious about bjp matters…?
      எல்லா சுவைகளையும் ரசிக்க கற்றுக் கொள்ளுங்களேன்.

      -வாழ்த்துகளுடன்,
      காவிரிமைந்தன்

      • Srini சொல்கிறார்:

        correct sir. I agree with you. These days I am taking your posts like that only. 🙂
        Potruvaar potratum,thutruvaar thutratum…. enna .. rajdeep, barkha type la ezthurengalane konjam varutham avalo thaan..

      • LVISS சொல்கிறார்:

        Where is the humour ? You write a preamble and comments dipped with your well known bias on an article and on the top of it you want us to comment on them — At best it is a jibe or sarcasm — Humour and satire are what you find in a magazine like Tughlak —

        • LVISS சொல்கிறார்:

          BJP is not afraid of encouraging regional leaders like other parties which run down local leaders — CMs like Fadnavis of maharashtra and Sarbanand of Assam are Modi’s finds — The other CMs like Raman Singh , Kattar have full backing of the organisation –If tomorrow the BJP feels that in 2019 general election BJP can win projecting Adityanath as PM they will not hesitate to go for it and the Modi – Shah combine will work for its success — But the fact is that though Adityanath has been a five time member of the Lok Sabha he could not topple SP or BSP and become the CM because his clout is limited to Eastern UP –It was Modi-Shah combination that made it possible for him to become CM —

          • vimarisanam - kavirimainthan சொல்கிறார்:

            from today’s national news media –

            U.P. choice breaks the mould in Modi’s BJP

            Post-2014, party Chief Ministers have kept a low profile,
            but Yogi Adityanath is an assertive leader in his own right

            The elevation of Yogi Adityanath as Chief Minister of Uttar Pradesh marks a new pattern in the dynamics of leadership within the BJP, political observers say.

            The rise of Prime Minister Narendra Modi has transformed a multi-leader BJP into a party looking upon only one strong leader, but the rise of Adityanath may signal a subtle shift in this pattern, an Allahabad-based academic, Badri Narayan, says.

            “Yogi Adityanath is not like the BJP Chief Ministers of Jharkhand or Haryana,” Dr. Narayan told The Hindu. “He is visible, charismatic and assertive. This offers the leadership of the BJP a figure that is likely to dominate the State and have a potential national impact.”

            It certainly meant a change in the contours of party leadership, he said.

            While the Chief Ministers of Maharashtra, Haryana and Jharkhand are low-profile figures not belonging to dominant communities in the State, Adityanath is not just the mahant (head priest) of the famous Gorakhnath temple but also a Thakur.

        • vimarisanam - kavirimainthan சொல்கிறார்:

          நண்ப எல்விஸ்,

          நான் முன்னால் சொன்னதை
          திரும்ப பெற்றுக் கொள்கிறேன்…..

          உங்களுக்கு அவுரங்கசீபை விட நிச்சயம்
          நகைச்சுவை உணர்வு அதிகம்….

          -வாழ்த்துகளுடன்,
          காவிரிமைந்தன்

        • vimarisanam - kavirimainthan சொல்கிறார்:

          ஏன் சார், எல்லாரும் “சோ” ஆகி விட முடியுமா…?
          மொட்டைத்தலைக்கும் முழங்காலுக்கும்
          முடிச்சுப் போடலாமா…?
          அவர் எங்கே – நான் எங்கே….?

          ஏதோ – என்னால் முடிந்ததை எழுதுகிறேன்….
          இருப்பதை வைத்துக்கொண்டு திருப்திப்படுங்களேன்….

        • இளங்கோ சொல்கிறார்:

          கே.எம்.சார்,

          நீங்கள் எவ்வளவு சொல்லி என்ன பயன் ?
          நீங்கள் இவருடன் செலவழிக்கும் நேரம் அத்தனையும் வீண்.
          அவர் அடிக்கும் ஜால்ராவின் சத்தம் மோடிஜிக்கு
          கேட்கும் வரை விட மாட்டார்.
          விட்டு விட்டு போய்க்கொண்டே இருங்கள் சர்.

  3. தமிழன் சொல்கிறார்:

    ஒரு கற்பனைதான். இவருக்கோ அல்லது மோடி அவர்களுக்கோ தமிழிலும் பேசத் தெரிந்திருந்தால் என்னவாகியிருக்கும் என்று. நிச்சயம் பாஜக வசம் தமிழகம் செல்வதற்கான வாய்ப்பு அதிகமாகிவிடும். வரும் தலைவர்கள் இந்தியில் பேசுவதால்தான் அவர்கள் நமக்கு அந்நியமாகத் தெரிகிறார்கள். ஆங்கிலத்தில் பேசினாலும் பொதுமக்களைக் கவரமுடியாது (சாதாரண மக்களை).

    இப்போதான் யோகி ஆதித்யனாத் யாரென்று அறியும் முயற்சியில் இருக்கிறேன். அவர் தகுதியுடையவராகத் தன்னை நிரூபித்தால் (பாஜக கொள்கையிலும், அவருடைய தனித் திறமையிலும், அதாவது POLARIZING POPULAR VOTES) பாஜகவுக்கு அடுத்த தலைமுறை தயாராகிவிட்டது என்றுதான் தோன்றும் (அதிமுக போல் இல்லாமல்). இவருடைய அமித்ஷா யாரோ?

    கட்டுரையின் நகைச்சுவைத் த்வனி ரசிக்கும்படி இருந்தது.

    உங்களிடம் ஒன்று கேட்கவேண்டும் என்று தோன்றிக்கொண்டே இருந்தது. 1900களிலும் அதற்கு முன்பாகவும் சாதீய, மத உணர்வுகள் இருந்தனவா? நான் படித்த எந்த வரலாறிலும் (தன் வரலாறு… தமிழ்த்தாத்தா உ.வே.சா, நாமக்கல் கவிஞர் வெ.ராமலிங்கம் பிள்ளை) அந்தமாதிரி ஒரு உணர்வு (அதாவது வெறுப்புணர்வு) இருந்ததாகத் தெரியவில்லை. பசும்பொன் தேவர், ராமலிங்கம் பிள்ளை, நீதிபதி லட்சுமணசாமி முதலியார் என்று யாருடைய இயல்பான பெயரைச் சொல்லும்போதும் சாதி என்ற எண்ணம் வருவதில்லை (ஆனால் வலிந்து திணித்து காமராஜர் நாடார்,கருணானிதி இசைவேளாளர் என்று சொல்லக்கூடாது) நீதிக்கட்சி, திமுக இவர்கள் காலத்தில்தான் கடுமையான சாதீய உணர்வு கிளர்ந்துவிட்டெழுந்ததாகத் தோன்றுகிறது (அது இன்னும் அதிகமாகிக்கொண்டுதான் இருக்கிறது) சாதீய உணர்வை வெளிப்படையாகக் கிளப்பும்போது சமூகத்தில் விழுந்த விரிசல்தானே இப்போது மதத்தினாலும் நடைபெறுகிறது. சாதீய உணர்வைக் கிளப்பியபோது பயன்பெற்றவர்கள் ஆதரித்தது/ஆதரிப்பது மாதிரிதானே, மத உணர்வை (சிறுபான்மையினர் ETC ETC) கிளப்பியபோது அன்று இன்பமாயிருந்த உணர்வுதானே இன்று பெரும்பான்மைக்கு ஆதரவாகக் கிளம்பும்போது கசக்கிறது.

    • vimarisanam - kavirimainthan சொல்கிறார்:

      தமிழன்,

      // மத உணர்வை (சிறுபான்மையினர் ETC ETC) கிளப்பியபோது அன்று இன்பமாயிருந்த உணர்வுதானே இன்று பெரும்பான்மைக்கு ஆதரவாகக் கிளம்பும்போது கசக்கிறது.//

      இதை கசப்பு என்று இன்று சொல்பவர்கள் எல்லாரும்
      காங்கிரஸ்காரர்கள் அல்ல…
      நான் காங்கிரஸ்காரனா…?

      எனக்கு அன்று காங்கிரஸ் செய்த
      போலி secular வாதமும் பிடிக்கவில்லை.
      இன்று பாஜக செய்யும் நிஜ மதவாதமும் பிடிக்கவில்லை…

      தேச நலனை விரும்புபவர்கள் –
      நிச்சயம் இரண்டையும் கண்டிப்பார்கள்.

      -வாழ்த்துகளுடன்,
      காவிரிமைந்தன்

    • LVISS சொல்கிறார்:

      Mr Thamizhan you want to know some thing about Adityanath Here is a link which may be of some interest to you —

      http://timesofindia.indiatimes.com/city/lucknow/math-muslims-swear-by-aditya-nath/articleshow/57742896.cms

      • VIVEK KAYAMOZHI சொல்கிறார்:

        LVISS..SIR…!!!
        KM SIR IS GIVING LINK FROM ONEINDIA…SO THINK ABOUT HIS HATRED AGAINST MODI?
        NOW A DAYS KM SIR GIVING REFERENCES ONLY FROM NAKKEERAN AND ONE INDIA….
        ANY HOW BJP WILL NOT FINISH WITH MODI…ANOTHER HOPE IS THERE…
        EVEN I EXPECT MANOHAR PARIKKER ALSO A COMPETITOR IN PM RACE…
        WE ARE PROUD ABOUT THIS…WE HAVE HUNDREDS OF PM CANDIDATES..
        NO NEED TO SEE OUR FUTURE BETWEEN THE FOOTS OF FOREIGNERS AND NEHRU FAMILY….
        KM SIR..!YOU ARE SAYING ITS JUST A COMEDY ARTICLE..BUT BEHIND THAT SOME BURNING SMELL I FEEL…..

  4. Sundar Raman சொல்கிறார்:

    என்ன சொல்றதுன்னே தெரியல …நீங்கள் கொஞ்சம் பொறுமை காத்திருக்கலாம் , என்ன பன்றார், எப்படி ஆட்சி புரிகிறரர் … அதெல்லாம் பார்த்து விட்டு உங்களின் கோபம் கலந்த குசும்பை காட்டியிருக்கலாம் .

    அவரின் சகோதரி விறகு பொறுக்கும் பொழுது செய்தி அறிந்து வீட்டில் சாப்பாடு கூட செய்ய மறந்து போனார்களாம் , அவரின் அம்மா மற்றும் அப்பாவின் புகை படத்தை பாருங்கள் … 5 முறை MP ஆன ஒரு நபரின் பெற்றோர்கள் இவர்களா என ஆச்சரியப்படுவீர்கள் ( அவர் துறவி தான் ..இருந்தாலும் ) .

    மோடியை விட திறமைசாலியானால் தானாகவே பதவி தேடி வரும்.

    I agree with தமிழன் :- மத உணர்வை (சிறுபான்மையினர் ETC ETC) கிளப்பியபோது அன்று இன்பமாயிருந்த உணர்வுதானே இன்று பெரும்பான்மைக்கு ஆதரவாகக் கிளம்பும்போது கசக்கிறது”.

    • vimarisanam - kavirimainthan சொல்கிறார்:


      தமிழன் மற்றும் சுந்தர் ராமன்,

      சிறுபான்மையாக இருந்தாலும் சரி,
      பெரும்பான்மையாக இருந்தாலும் சரி –
      அது காங்கிரசாக இருந்தாலும் சரி –
      பாஜக வாக இருந்தாலும் சரி…

      ஒரு extreme தவறு என்பதற்காக
      இன்னொரு extreme -ஐ எப்படி நியாயப்படுத்த முடியும் ..?

      எனக்கு, “மத உணர்வுகளை” கிளப்பி விளையாடும்
      இந்த “வெறி”யாட்டம்,
      அதை விளையாடுவது யாராக இருந்தாலும் –
      பிடிக்கவில்லை.

      மதவெறியின் அதிக பட்ச உக்கிரத்தை
      நேரில் பார்த்தவன் நான்.
      என் ஆயுளில், நான் எந்தவித மதவாதத்திற்கும்
      துணை போக மாட்டேன்.
      அது பெரும்பான்மையாக இருந்தாலும் சரி,
      சிறுபான்மையாக இருந்தாலும் சரி.

      அதன் உக்கிரத்தை நேரில் அனுபவிக்கும்போது தான்
      உங்களுக்கு இது புரியும்.

      -வாழ்த்துகளுடன்,
      காவிரிமைந்தன்

      • தமிழன் சொல்கிறார்:

        உண்மை காமை சார். பாதிக்கப்பட்டவர்கள் சொல்வதுதான் மிகச் சரியான உண்மையாக இருக்கும். உங்களின் ஹைதை அனுபவத்தைப் படித்திருக்கிறேன். உங்கள் நியாயத்தைப் புரிந்துகொள்ள முடிகிறது. கத்திக்கு பதில் கத்தி எடுக்கும்போது, ஒரு சமயத்தில் யாரும் உயிர் பிழைக்க மாட்டார்கள்.

        உங்களைமாதிரி மிக மிகச் சிறுபான்மையினரின் எண்ணங்கள் கருத்தில் கொள்ளப்படவேண்டியவையே.

  5. NS RAMAN சொல்கிறார்:

    As long as Congress projecting Rahul Gandhi as their future leader and PM candidate BJP need not worry about their future.

    BJP is fast in changing their leadership for survival of party. If it’s necessary for party’s growth
    In next 10 years Modi can be next Advani 😄😄😄

  6. ராஜமாணிக்கம் வீரா சொல்கிறார்:

    யோகி ஆதித்யநாத் மட்டுமல்ல, டாக்டர் ரமன் சிங்கோ, சிவராஜ் சவுகானோ, தேவேந்திர பட்னவீஸோ,மனோகர் லால் கட்டார் , மனோகர் பாரிக்கர், உள்ளிட்ட பல முதல் தலைமுறை அரசியல்வாதிகளை தேர்ந்த நிர்வாகிகளை கட்சிக்கும் நாட்டிற்கும் அடையாளம் காட்டியிருக்கிறது ஆர் எஸ் எஸ் ஸிம் பாஜ கவும். மோடியும், அமித் ஷாவுமே அதன் தேர்வு தானே. நீங்கள் சொல்வதை பாஜகவோ அதன் தொண்டர்களோ இதற்கெல்லாம் வருத்தப்பட போவதில்லை, மகிழத்தான் போகிறார்கள். பாஜகவில் பிரதமராக தகுதியுள்ள, திறமையுள்ள நிருபிக்கப்பட்ட தலைமைப்பண்போடும் மக்கள் ஆதரவோடும் இன்னும் பல தலைவர்கள் நம் தேசத்திற்கு கிடைப்பார்கள்.
    பாஜகவின் அம்பறாத்துணி, கம்பனின் அம்பறாத்துணி எப்படி தமிழால் நிறைந்திருந்ததோ, அதே போல தலைவர்களால் நிறைந்திருக்கிறது.இதற்காக நாங்கள் பெருமைப்படுகிறோம்.
    ஸ்யாமாபிரசாத் முகர்ஜி, தீனதயாள் உபாத்யாய, பால்ராஜ் மதோக், நானாஜி தேஷ்முக் துவங்கி வாஜ்பாய், அத்வானி, முரளி மனோகர் ஜோஷி, நரேந்திர மோடி, யோகி ஆதித்ய நாத் என்று இந்த விதைகள் விருட்சமாகி இந்த தேசத்தை வழி நடத்தி உலக அரங்கில் நிச்சயம் தலை நிமிர்ந்து நிற்க செய்யும். அதற்கு பாரத அன்னையின் ஆசியும் வாழ்த்தும் என்றும் துணை நிற்கும்.

    • GVS சொல்கிறார்:

      அதெல்லாம் சரி தான்.
      அவ்வளவு பெருமை வாய்ந்த கட்சியின்
      அருமையான தலைவர்களான அத்வானி,
      முரளி மனோகர் ஜோஷி எல்லாரையும்
      னரேந்திர மோடி என்னும் மனிதர் வந்தவுடன்
      தூக்கி குப்பைத்தொட்டியில் வீசியது ஏன் ?
      அதையெல்லாம் பார்த்துக்கொண்டு உங்களைப்
      போன்றவர்கள் கைகட்டி, வாய்பொத்தி நின்றது ஏன் ?

  7. ராஜமாணிக்கம் வீரா சொல்கிறார்:

    gvs அண்ணா,
    அவர்கள் எங்கள் முன்னோடிகள் இன்றும் என்றும் எங்கள் மரியாதைக்கும், வணக்கத்திற்கும் போற்றுதலுக்கும் உரியவர்கள்.இந்து பண்பாட்டு வாழ்க்கைமுறையில் முக்கியமான நான்கு ஆசிரமங்களில் அவர்கள் சந்நியாஸ., வான பிரஸ்த நிலையில் இருக்கிறார்கள். அப்புறம் இது ஒன்றும் புதிதல்ல நானாஜி தேஷ்முக்கும், வாஜ்பாயும் தாங்களாகவே அரசியல் துறவு பூண்டார்கள், அது போலத்தான்.
    ரகு வம்சத்தில் ஒரு கட்டம் வரும் மிகப்பெரிய சக்ரவர்த்தியான தீலிபன் ஒரு நாள் தன் மகன் திலீபனின் விரிந்த தோள்களை பார்க்கிறான். அடுத்த கணத்தில் தன் அரசாட்சியையும், நாட்டையும் ஒப்படைத்து விட்டு வசிஷ்டரின் ஆசிரமத்திற்கு சென்று பசுக்களை மேய்க்கிறார். இது ஒரு வான பிரஸ்தத்தின் உச்ச நிலை, அது இந்து தர்மத்தில் இழிவல்ல, அது ஒரு உச்சம்., அதுவும் ஒரு நிறைவு.

    வரலாறு முழுக்கவும் இதை பார்க்கலாம் சந்திர குபதர், சமுத்ர குபதர் காலம் முதல் கெளதமி புத்ர சதக்ர்ணி,வசிஷ்டி புத்ர புல்வாமி முதல் நம்மூர் ராஜராஜ சோழன், ராஜேந்திர சோழன வரை இந்த மரபு இருக்கிறது. தற்கால அரசியலில் கூட கருணா- ஸ்டாலின், முலாயம்- அகிலேஷ் என்று அதிகார பரிமாற்றங்கள் நடக்கும் விதத்தை பாருங்கள் . ஆனால் இத்ல் கூட பாரதிய ஜனதா மட்டுமே நவீன ஜனநாயக மதீப்பீடுகளுக்குள் வந்துள்ளது . இன்ன பிற அரசியல் இயக்கங்கள் தங்கள் நிலப்பிரபுத்துவ, காலனியாதிக்க மன நிலையிலிருந்து கூட வெளியேற முடியவில்லை. அவர்கள் குடும்பத்திற்குள் மட்டுமே அதிகார பரிமாற்றம் இருக்கும். இதில் பாஜக தான் விதி விலக்கு.

    அதே போல குருவை முந்திசெல்லும் சீடர்களையும் சிஷ்யர்களையும் தான் நாம் பார்த்துக்கொண்டே தானே இருக்கிறோம். இதுவே இயல்பு, கிரேக்க தத்துவ மரபில் கூட சாக்ரடீஸ், அரிஸ்டாட்டில், பிளேட்டோ என்று இந்த மாணவப்படிவர்கள் தங்கள் குரு நிலைகளை தாண்டித்தானே முன் வந்து வரலாற்றை நிறைக்கிறார்கள். சமீபத்திய உதாரணம் ஹெகலும், காரல் மார்க்ஸிம்.. புராண காலத்தில் இருந்து பிரகஸ்பதி, சுக்ரர் துவங்கி துரோண அர்ச்சுனன் வழியாக ராமகிருஷ்ணர் விவேகானந்தர் வழியாக இது ஒரு பெரிய பண்பாட்டு தொடர்ச்சி அதை ஒரு நோய்கூறாக பார்ப்பது உங்கள் பிழை தான். வரலாற்று பார்வையின் நிழல் மறைத்தல் தான் இக்கட்டுரை. ஆசிரியர்கள், மாணவர்கள் தங்களை மீறி செல்வதை மகிழ்வுடன், வாழ்த்துக்களுடனும் தான் பார்ப்பார்கள், அதை வாழ்த்தவும் செய்வார்கள். அதுவே நம் பண்பாட்டில் நாம் இது வரை கண்டது, இனியும் காணப்போவது, இதற்கு மோடியும் விதி விலக்கல்ல

    • vimarisanam - kavirimainthan சொல்கிறார்:


      நண்ப ராஜமாணிக்கம்,

      இது காவிரிமைந்தன்… இடையில் வந்ததற்கு மன்னிக்கவும்.

      மிக அழகாக எழுதுகிறீர்கள்…
      இவ்வளவு நாட்களாக ஏன் இங்கு வரவில்லை…?
      இனி தொடர்ந்து எழுதுவீர்கள் என்று நம்புகிறேன்.
      மாற்று கருத்தை கொண்டவர் என்பதற்காக
      நான் வெறுக்கவோ, ஒதுக்கவோ மாட்டேன் என்று
      உறுதி கூறுகிறேன்.

      விஷயத்திற்கு வருகிறேன்…
      நன்றாக சமாளிக்கிறீர்கள்….!!!

      திரு.அத்வானி அவர்கள் சந்நியாசமோ, வானபிரஸ்தமோ
      போவதாக அறிவித்தாரா…?
      அவரை கம்பல்சரியாக ஒதுக்கி வைத்திருப்பது
      திருவாளர் மோடிஜி தான்.

      ஏன் – இன்றைய தினம் ஜனாதிபதி பதவிக்கு
      திரு.அத்வானியைத்தவிர பொருத்தமான தலைவர்கள்
      வேறு யாராவது உண்டா…?

      மோடிஜி ஏன் ஒதுக்குகிறார்…?
      உங்களைப்போன்ற தீவிர பாஜக தொண்டர்கள்..(?..)
      ஏன் இதை வலியுறுத்தவில்லை…?

      சந்நியாசம் வாங்கிக்கொண்ட யோகி ஆதித்யநாத் அவர்களை
      முதல் மந்திரி ஆக்கும்போது, தொடர்ந்து அரசியலில்
      இருக்கும் பழுத்த, மூத்த தலைவர் அத்வானியை
      ஏன் கௌரவிக்க மாட்டேன் என்கிறீர்கள்…

      உங்கள் விசுவாசம் எல்லாம் ஓட்டு வாங்கக்கூடியவருக்கும்,
      அதிகாரத்தை பெற்றுத் தருபவருக்கும் மட்டும் தானா ?

      -வாழ்த்துகளுடன்,
      காவிரிமைந்தன்

      • புதியவன் சொல்கிறார்:

        ஜிவிஎஸ்- “தூக்கி குப்பைத்தொட்டியில் வீசியது ஏன்”
        காவிரிமைந்தன் – “மோடிஜி ஏன் ஒதுக்குகிறார்…?”

        சொன்ன வார்த்தைகள் வேறாக இருந்தபோதிலும், சொன்ன கருத்து ஒன்றேதான்.

        அடுத்த தலைமுறை பதவிக்கு வரும்போது, முந்தைய தலைமுறைக்கு பங்களிப்பு மிகவும் குறைவுதான். அவர்களுக்கு ஏற்ற இடம் இருக்க முடியாது. ஒரு கம்பெனியில் சி.ஈ.ஓ புதியதாக வந்துவிட்டால், BOARDல், பழைய சி.ஈ.ஓ (மிகச் சிறந்தவராக இருந்திருந்தால்) இருக்க வாய்ப்பு இருக்கிறது. அல்லது BOARDலிலேயே இடம் இல்லாமல் போவதற்கு வாய்ப்பு இருக்கிறது. பழைய CEOக்கு, கம்பெனியில் எந்த POSITION தருவது? எங்கு தந்தாலும், புதிய CEO கீழ்தான் இருக்க வேண்டியிருக்கும் (மரியாதையோ அல்லது இடமோ). இதனால்தான், அமெரிக்க PRESIDENTIAL SYSTEMல், பழைய PRESIDENTகள் பொதுவாழ்விலிருந்து பெரும்பாலும் ஒதுங்கிவிடுவார்கள். அவர்கள் தேசத்தின் அம்பாசடர்களாக மட்டுமே இருப்பார்கள் (பெரும்பாலும் கட்சி சார்பு குறைந்துவிடும்). அத்வானி அவர்கள், அவருடைய நெடிய அரசியல் பாதையினால், ஜனாதிபதி ஆவதற்குத் தகுதியானவர். அவர்தான் தேர்ந்தெடுக்கப்படுவாரா என்பது பல்வேறு காரணிகளுக்கு உட்பட்டது. (இதை, நான் ‘பூர்வபுண்யம்’ என்று சொல்வது சரியாக இருக்கும். வாஜ்பாயிக்கு பாரதரத்னா கொடுக்கக்கூடாது, தகுதியிருந்தபோதிலும், என்று நினைத்துத்தான் அணுகுண்டு சோதனை நிகழ்த்தியமைக்கு அப்துல்கலாம் அவர்களுக்கு பாரத ரத்னா வழங்கப்பட்டது. அந்தச் சூழலில் இருந்த அரசியல் காரணமாக அப்துல்கலாம் அவர்கள் ஜனாதிபதி பதவிக்குத் தேர்ந்தெடுக்கப்பட்டார்-கலாம் அவர்கள் தன் தகுதியை, தேசத் தலைவர் என்பதை நிரூபித்தார் என்பது வேறு விஷயம்-ஆனால் ஜனாதிபதியாகத் தேர்ந்தெடுக்கப்பட்டது அரசியல் சூழலால்தான். அதேபோல, தகுதியை நிரூபித்தபிறகும் கலாம் அவர்களுக்கு இரண்டாவது வாய்ப்பு கிடைக்கவில்லை. ஜெ.வுக்கும் எத்தகைய சோதனைகள் வந்தபோதும், இறக்கும்போது முதல்வராக, மக்களின் அன்பைப் பெற்றவர்களில் ஒருவராக இறக்க நேர்ந்தது. இதுவும் பூர்வபுண்யம்தான்)

        முரளி மனோஹர் ஜோஷி அவர்கள் சித்தாந்தவாதி. மக்கள் செல்வாக்குப் பெற்றவர் அல்லர். அத்வானியின் காலம் முடிவடைந்துவிட்டது. அவர் இப்போது ஆலோசகர் என்ற பதவிதான். அதுவும் அடுத்த தலைமுறையான மோடி அவர்களின் காலத்தில் அதற்கும் அவ்வளவு முக்கியத்துவம் இருக்காது. (நம்ம வீடுகளில் நடப்பதுபோல்தான். மகன் அவன் குடும்பத்தை RUN செய்ய ஆரம்பித்துவிட்டால், தந்தைக்கு கேட்கும்போது மட்டும் ஆலோசகர் பதவி). மோடியின் காலம் (செல்வாக்கு) மறையும்போது, புதிய தலைமுறை வரும். அவர்களுக்கு மோடிதான் MENTOR என்றால் (மோடிக்கு வாஜ்பாய்போல) மோடிக்கு தனி மரியாதை கிடைக்கும். இதைப் பற்றி நிறைய எழுதலாம். எல்லோருக்கும் தெரிந்ததுதான்.

        இந்த சிஸ்டத்தை (நம் வீட்டிலிருந்து ஆரம்பித்து எல்லா இடங்களிலும் இருக்கின்ற இந்த அமைப்பை) எள்ளி நகையாடுவதன்மூலமாக (ஒதுக்குகிறார்கள், குப்பைத் தொட்டியில் வீசுகிறார்கள்) நாம் மாறுதல் எதையும் விளைவிக்க முடியாது.

        • vimarisanam - kavirimainthan சொல்கிறார்:

          புதியவன்,

          நீங்கள் சுற்றி வளைக்கிறீர்கள்..
          நேர் பதில் இல்லை. நான் இதை ஏற்பதாக இல்லை…
          மோடிஜியை குற்றம் சாட்டுவதை தவிர்க்கிறீர்கள்…

          Let me put a plain and straight question –

          ஜனாதிபதி பதவியை கௌரவப்படுத்த,
          இன்றைய தினத்தில் அத்வானிஜியை விட
          தகுதி வாய்ந்த நபர் வேறு யாரேனும்
          பாஜகவில் இருக்கிறாரா …?

          அப்படி இருந்தும் அவரை கௌரவிக்கவில்லை யென்றால்
          அதற்கு காரணம் யாராக இருக்க முடியும் ?

          தன் வாழ்நாள் முழுவதும் பாஜகவுக்காக உழைத்த
          ஒரு மனிதரை, அவரது இந்த வயதில் கூட
          கவுரப்படுத்த முடியாத கட்சி என்ன கட்சி ?

          மோடிஜி என்கிற ஒரு தனிப்பட்ட மனிதரின்
          விருப்பு வெறுப்புகளை பார்த்துக்கொண்டு
          செயலற்றுக் கிடக்கும் தொண்டர்களுக்கும்,
          மற்ற பாஜக தலைவர்களுக்கும் –
          மனசாட்சி என்று ஒன்று இருக்கிறதா ?

          -வாழ்த்துகளுடன்,
          காவிரிமைந்தன்

          • புதியவன் சொல்கிறார்:

            அத்வானி அவர்கள் நல்ல தேர்வாகத்தான் இருக்கமுடியும். அவர் LEVEL HEADED அரசியல்வாதி. பிரிவினையினால் துயறுற்றவர். அவர், ரத யாத்திரையினால் புகழ் பெற்றிருந்தாலும், மக்களுடைய MANDATEஐ வாஜ்பாய் போலோ மோடி போலோ பெறமுடியவில்லை. மோடி அவர்கள், அத்வானி நல்ல உடல் நலத்துடன் இருந்தால், அவருக்குத்தான் அந்த வாய்ப்பை வழங்குவார் என்று நினைக்கிறேன் (அதே சமயம் அத்வானி LUCK உள்ளவர் என்று என் மனம் நினைக்கவில்லை. பதவிக்கு LUCK முக்கியம். சம்பந்தமேயில்லாத பிரதீபா பாட்டீல் ஜனாதிபதி ஆனதுபோல. இதற்கு தீட்சித்தோ நஜ்மாவோ ஆகியிருக்கலாம்)

            உங்களுக்கு நான் ஒரு கேள்வி கேட்கிறேன். இன்றைக்கு முழு வீச்சுடன் ஓய்வுபெற்ற நிலையில் வாஜபேயி அவர்களும் அத்வானி அவர்களும் இருந்தால், மோடி அவர்கள் யாருக்கு ஜனாதிபதி பதவி கொடுக்கவேண்டும்?

          • vimarisanam - kavirimainthan சொல்கிறார்:

            புதியவன்,

            வாஜ்பாய் அவர்கள் படுத்த படுக்கையில்,
            நான் அறிந்த வரையில், ஞாபக சக்தி இழந்த நிலையில் –
            இருக்கிறார். எனவே, அவர் எந்த பணியிலும் ஈடுபடக்கூடிய
            உடல், மன, தகுதியோடு இல்லை.

            இருந்தாலும் நீங்கள் ஒப்பீடு செய்யும்படி கேட்டதால்
            சொல்கிறேன்…

            இரண்டு பேருமே இதற்கு தகுதியானவர்கள் தான்.
            இருவரில் யாருக்கு கொடுத்தாலும் எனக்கு மகிழ்ச்சியே.

            இருந்தாலும், வாஜ்பாய் நாட்டின் உயர்ந்த அதிகார பதவியான
            பிரதமராக இருந்து விட்டார்.
            அத்வானிக்கு அத்தகைய கௌரவம் இன்னும் கிடைக்கவில்லை…
            எனவே வாஜ்பாய் அவர்களே அத்வானியைத்தான்
            suggest செய்வார்…!!!

            இந்த தடவை மோடிஜி – அத்வானியை வேண்டுமென்றே
            தவிர்த்தாலாவது – மோடிஜி சுயநலக்காரர், ஏறி வந்த ஏணியை
            எட்டி உதைத்தவர் என்பதை ஏற்றுக் கொள்வீர்களா…
            இதை உங்கள் வார்த்தைகளில் சொல்ல மனம் வராது…
            மோடிஜி ஆயிற்றே…
            ஆகையால் ஆம் – இல்லை என்று மட்டும் சொன்னால் கூட
            போதுமானது…. 🙂 🙂 🙂

            -வாழ்த்துகளுடன்,
            காவிரிமைந்தன்

          • புதியவன் சொல்கிறார்:

            நாட்டுக்காக உழைத்தவர்களில் அத்வானி அவர்கள் குறைந்தவரில்லை. என்னிடம், ‘முரளி மனோஹர் ஜோஷியா’ அல்லது ‘அத்வானியா’ அல்லது ‘வேறு யாரேனுமா’ என்று கேட்டால், தயங்காமல் அத்வானி அவர்களைத்தான் பரிந்துரைப்பேன். நெடிய அனுபவம் மிக்கவர். பாரம்பரியமிக்க பார்லிமென்டேரியன். VERY MUCH LEVEL HEADED. நியாயமானவர். ‘துணை பிரதமர்’ என்ற அலங்காரப் பதவியைத் தவிர வேறு பெரிய பதவிகள் பெற்றவரல்லர். கட்சியை வளர்க்கவும் கடுமையாக உழைத்திருக்கிறார்.

            மோடி அவர்கள் அத்வானியை பரிந்துரைக்கவில்லையெனில் எனக்கும் வருத்தம்தான். I will just think it is sheer bad luck for அத்வானி. IT WOULD HAVE BEEN UNFORTUNATE DECISION by MODI. (ஏனென்றால் உள் விஷயம் நம்மைப்போன்ற சாமானியர்களுக்குத் தெரியாதல்லவா)

            இன்றைக்கு மோடி அவர்களை ஆதரிப்பவர்கள், வெறும் குஜராத் முதலமைச்சர் என்பதற்காக ஆதரிக்கவில்லை. அவர் தலைமையில் இந்தியா இன்னும் சிறப்பாக இருக்கும் என்ற நம்பிக்கையில்தான். நாளைக்கே, இவரை விட ‘SO&SO’ இன்னும் சிறப்பானவர், மதச்சார்பின்மையை முழுமையாகக் கடைபிடித்து இந்தியா இன்னும் சிறப்பாக வளரவும், தேசபக்தி மக்கள் மனத்தில் தழைக்கவும் பாடுபடுவார்கள் என்று தோன்றினால், அவரை ஆதரிக்கத் தயங்கமாட்டார்கள் (நான் முழு முதல் மோடி ஆதரவாளன் இல்லை. எனக்குப் பிடித்தவர் ஜெ. மட்டும்தான். இன்றைக்கும் ஜெ. எழுந்துவந்து கட்சி நடத்தினால், ரெட்டை இலை அல்லது அவர் சொல்லும் கட்சிக்குத்தான் என் வாக்கு. அந்தக் காலத்தில் இந்திரா பிடிக்கும். அவர், கட்சியைத் தன் ஆளுமையில் வைத்து, கட்சிக்காக இந்தியாவைக் கைவிட்டுவிட்டார் என்பதுதான் என் வருத்தம். அதாவது, ரீஜனல் தலைவர்களை இன்னும் வளர்த்திருக்கவேண்டும். அவர்கள் மூலம் ஆலமரம் போல், தாய் அழிந்தாலும், புதிய வேர்கள், மரம்போல் படரும் வாய்ப்பு கட்சிக்கு இருந்தது. அதனால், கத்துக்குட்டிகள் தலைவராவதிலிருந்து கட்சி தப்பித்திருக்கும்)

          • LVISS சொல்கிறார்:

            Mr K M I may be wrong but I think that Advani became unpopular with the RSS and BJP after his vist to Pakistan and after he praised Jinnah as a secular person — That I think was where his political career ended — Even if he was chosen by the BJP it is highly likely RSS would not have endorsed it — The link below might provide the reason —

            https://www.telegraphindia.com/1050605/asp/nation/story_4828954.asp

            Do you still think that the PM or BJP would try to make him the President and invite the displeasure of RSS —

        • புதியவன் சொல்கிறார்:

          எல்விஸ் – இது எனக்கு நினைவுக்கு வரவில்லை. ஆனாலும் அப்போது படித்தபோது IT WAS AN INSANE REMARK BY அத்வானி என்று நினைத்தேன். அத்வானியின் பூர்வீகம் இப்போது பாகிஸ்தானில் உள்ளது. ஆனால், அதை, ‘ஜின்னா எப்போதும் முஸ்லீமாக இருந்ததில்லை’ என்று அத்வானி சொன்னதாக (ஏனென்றால் ஜின்னா மத அடையாளங்கள் எதையும் கடைபிடித்தவர் அல்லர்) அர்த்தப்படுத்திக்கொண்டால், அது உண்மை.

          ஜின்னாவுக்கு தான் தலைமைப் பதவிக்கு வரவேண்டும் என்பது மட்டும்தான் எண்ணம்.. எப்போது அவர் இந்தியாவுக்குச் சுதந்திரம் கிடைத்தால், ஜன’நாயக நாட்டில் தான் எப்போதும் தலைமைப் பதவிக்கு வர முடியாது (இந்துக்கள் மெஜாரிட்டி) என்று நினைத்தாரோ அப்போதே, இஸ்லாமியர்களுக்காகத் தனி தேசம் வேண்டும் என்று போராட ஆரம்பித்தார். மவுண்ட் பேட்டன் ஒரு சமயம் சொல்லியிருக்கிறார்.. ஜின்னாவின் வாழ்’நாட்கள் எண்ணப்படுகின்றன என்று (ஜின்னா கடுமையான நோய்வாய்ப்பட்டிருந்தார்.. ஆனால் அதை யாருக்கும் தெரியாமல் மறைத்திருந்தார்) தெரிந்திருந்தால், சுதந்திரம் மற்றும் பிரிவினைக்கான பேச்சுவார்த்தைகளை முடிந்த அளவு நீட்டியிருப்பேன்.. அப்போது ஜின்னாவை விட்டால் பெரிதும் தெரிந்த, பிரிவினைக்கு அழுத்தம் தரக்கூடிய அரசியல்வாதி கிடையாது என்று. ‘நள்ளிரவில் சுதந்திரம்’ – அலைகள் பதிப்பகம், தமிழில் ராகவன், மயிலை பாலு – 250 Rs – அருமையான புத்தகம் 700 பக்கமுள்ள புத்தகம். ஜின்னாவைப் பற்றிய உண்மையைச் சொல்லுவதால் பாகிஸ்தானில் தடை செய்யப்பட்டது (Original book: FREEDOM AT MIDNIGHT BY Dominic Lapear & Lary Collins)

          • vimarisanam - kavirimainthan சொல்கிறார்:

            // ஜின்னாவுக்கு தான் தலைமைப் பதவிக்கு வரவேண்டும் என்பது மட்டும்தான் எண்ணம்.. எப்போது அவர் இந்தியாவுக்குச் சுதந்திரம் கிடைத்தால், ஜன’நாயக நாட்டில் தான் எப்போதும் தலைமைப் பதவிக்கு வர முடியாது (இந்துக்கள் மெஜாரிட்டி) என்று நினைத்தாரோ அப்போதே, இஸ்லாமியர்களுக்காகத் தனி தேசம் வேண்டும் என்று போராட ஆரம்பித்தார்.//

            இது முற்றிலும் உண்மை.
            நேருஜி அப்போது கொஞ்சம் விட்டு பிடித்திருந்தால்,
            நாடு பிளவுபட்டிருக்காது.
            இவ்வளவு கலவரங்களும், உயிர்சேதங்களும்
            தீராத பகைமையும் ஏற்பட்டிருக்காது….

            என்ன செய்வது – நடந்து முடிந்த சரித்திரத்தை பார்த்து நம்மால்
            பெருமூச்சு விடுவதைத்தவிர வேறு என்ன செய்ய முடியும்….?

            -வாழ்த்துகளுடன்,
            காவிரிமைந்தன்

          • LVISS சொல்கிறார்:

            Mr Puthiyavan thank you for the information —
            In 2014 Advani was apprehensive about contesting from his regular constituency Gandhinagar –Modi assured him that he would see that he gets elected -Advani thought of contesting from Bhopal also –

      • ராஜமாணிக்கம் வீரா சொல்கிறார்:

        அன்புள்ள காவிரி மைந்தன் ஐயா,
        மிக்க நன்றி உங்களை நான் என்றுமே மாற்று த்தரப்பாக பார்க்க வில்லை. தேசத்தின் மீதும், மக்களின் நல்வாழ்வு மீது அன்பும், கனிவும் நெகிழ்வும் உள்ள எல்லாரும் ஒரே தரப்பு தான். காங்கிரஸோ, கம்யூனிஸ்டோ, அவர்களின் தேச நலன் சார்ந்த, மக்கள் நலம் சார்ந்த ஐயங்களும், குழப்பங்களும் நிச்சயம் மதிப்பளிக்கப்பட்டு தீர்க்கப்பட்டே ஆக வேண்டும்.
        நீங்கள் எங்களை வெறுக்கிறீர்கள் என்றோ, ஒதுக்குகிறீர்கள் என்றோ என்றும் நினைத்ததில்லை. ஆனால் ஒரு குடும்பத்தின் மூத்த குடிமகனின் பார்வையோடு உங்களின் சந்தேகங்களையும், அதிருப்திகளையும் தெரிவிக்கிறீர்கள். அவை பதில் சொல்லப்பட வேண்டியவை நிச்சயம்.
        இனி உங்களின் கேள்விகளுக்கு …
        1. அத்வானி ஜி சந்நியாசமோ, வானபிரஸ்தமோ போவதாக அறிவிக்க வில்லை, ஆனால் தீவிர அரசியலில் இருந்து மன ரீதியாக ஒதுங்கி இருந்தார்,2009 தேர்தலின் தோல்வி அவரை மிகவும் பாதித்தது. அதன் பிறகு அவர் தீவிர அரசியல் செயல்பாடுகளில் இருந்து கொஞ்சம் கொஞ்சமாக விலகினார். சில விஷயங்களை அறிவித்து விட்டு மனம் ஒன்றாமல் இருப்பவர்களும் இருக்கிறார்கள். சிலர் அறிவிக்காமலேயே அந்த நிலைக்கு சென்று விடுபவர்களும் இருக்கிறார்கள். அத்வானி ஜியை பொறுத்த வரை அவர் போருக்கு தலைமை ஏற்கும் நிலையில் இருந்து மெண்டர் என்ற நிலைக்கு மாறி விட்டார்.போர்களத்தில் சத்வ குணம் மேலோங்கி , ஒரு முது தந்தை போன்று. தேர்தல் வெற்றி தோல்விகளை எடுத்து கொள்ள ஆரம்பித்தும், செயல்படவும் துவங்கி விட்டார்.
        அந்நிய சக்திகளின் ஆதிக்கம், சிந்தனையில் இருக்கும் காலனியக்கறைகள் நமக்கு ஏற்படுத்திய பெரிய இழிவுகள், நம் கலாச்சாரம், பண்பாடு இவைகளின் மீதான தாக்குதல், உலகளவில் ஓங்கி ஒலித்த வஹாபிய வெறி, அதற்கு முட்டு கொடுத்து நிற்கும் காங்கிரஸ், கம்யூனிஸ சக்திகள், பெருகிய ஊழல், நிர்வாகமின்மை, தேக்கம் , இவைகளை மாற்ற நமக்கு ரஜோ குணமுள்ள கிருஷ்ணரால் மனம் தெளிவிக்கப்பட்ட அர்ஜீனன் போன்ற வீரன் தேவைப்பட்டார், வரலாற்றிற்கும் அப்படி ஒரு தலைவரின் எழுச்சிக்கு உரிய தேவை இருந்தது, நரேந்திர தாமேதர் தாஸ் மோடி அதிலிருந்து எழுந்து அந்தார். தேசம் அவருக்கு இட்ட கட்டளைகளை நிறைவேற்றினார்.

        2.அத்வானிஜியோ, முரளி மனோகர் ஜோஷியோ நிச்சயம் ஜனாதிபதியாகும் பொருத்தமான தகுதி உள்ளவர்கள் தான் அதில் மாற்று கருத்தே இல்லை. ஜனாதிபதி பதவி இப்போது அரசியல் ரீதியாகவும் மிகவும் முக்கியமானதாகவும் இருக்கிறது. பீஷ்மரின் மன நிலையை எட்டி விட்டவர்களுக்கு ஒரு விலக்கம் இருக்கும், உலகத்தின் அனைத்தையும் பார்த்து நிறைந்தவர்கள் அவர்களிடம் விருப்போ, வெறுப்போ இருக்காது. அது ஒரு நிறைந்த துறவு நிலை மட்டுமே. அது சரியாக இருக்குமா என்று எனக்கு சொல்ல தெரியவில்லை. அவருக்கு நாங்கள் பதவி கொடுத்தால் மட்டுமே நாங்கள் அவருக்கு மரியாதை செலுத்துகிறோம், இல்லாவிட்டால் அவமதிக்கிறோம் என்று ஏன் நினைக்கிறீர்கள், எங்களுடைய மதிப்பீட்டு வரிசையில் பதவி மிகவும் பின்னால் இருக்கும் ஒன்று தான். இன்றல்ல என்றும் என்றென்றும் அவர் எங்களுக்கு பிஷ்ம பிதாமகர் இடத்தில் இருப்பவர் தான்.

        3. பாரத தேசத்திற்கு சந்நியாசிகளின் கொடை தான் மிகவும் அதிகம். பரிவ்ராஜகராக சுற்றி திரிந்த எண்ணற்ற மகான்களும், யோகிகளும் நமக்காக சமைத்து கொடுத்தது இந்த புண்ய பூமியை, இங்கு இதற்கு முன்பிருந்த புத்தரும், மகாவீரரும், சங்கரரும், அப்பரும், சுந்தரரும்,சைவக்குரவர்களும், மத்வரும், ராமனுஜரும், வித்யாரண்யரும், குரு கோவிந்த் சிங்கும், நாராயண குருவும், விவேகானந்தரும், சகஜனாந்தரும், சிவானந்தரும், சித்பவனாந்தரும் என்று நீண்டு நெடிய பாரம்பர்யம் கொண்ட சந்நியாசி, குரு மரபை பெருமைப்படுத்தும் விதமாக ஒரு துறவிக்கு நாட்டை ஆளும் பொறுப்பு வழங்கப்படுகிறது. இதன் மூலம் அனைத்து குரு நிரைகளுக்கும் நம் நன்றியை, அடையாளமாக செலுத்துகிறோம். அப்புறம் நம் யோகி ஜி மக்களின் தேர்வு தான். மோடிக்கு அடுத்த படியாக மக்களை அவர் கவர்ந்தார். ஒரு சாது, சந்நியாசி தூய்மை செய்ய வேண்டிய கடமையோடு அந்த மக்களுக்கு நல்லாட்சி வழங்க பணிக்கப்பட்டிருக்கிறார்.

        4. எங்களுக்கு அரசு, அதிகாரம் இவை எல்லாம் என்றும் இரண்டாம் பட்சம் தான் எங்களுடைய விசுவாசம் நிச்சயம் தேச முன்னேற்றத்திற்கும், நாட்டு மக்களின் சந்தோஷத்திற்கும் மட்டும் தான். அரசியல் அதிகாரத்தால் தமிழகத்தில் என்ன பலன் என்று இங்குள்ள யாரும் எதிர் பார்த்து பணி செய்வதில்லை. குடி செய்வல் என்பது நம் கடமை என்றே இங்கு மட்டுமல்ல எங்கும் உள்ள பாஜக தொண்டர்கள் செயல்படுகிறார்கள்.ஆத்ம சுத்தியோடு அவர்கள் செய்யும் தொண்டு இந்த மக்களுக்கு ஒரு நாள் நிச்சயம் புரியும். அன்று மீண்டும் பாரதம் முழுமையும் காவியின் கீழ் ஒருங்கிணைந்து நிற்கும்.

  8. Sridhar சொல்கிறார்:

    Lots to learn through this small post. Thanks KaaMai sir

  9. D. Chandramouli சொல்கிறார்:

    Very interesting exchange of thoughts by the commentators. Congrats to all, including, of course, to KM.

    • vimarisanam - kavirimainthan சொல்கிறார்:

      நன்றி நண்ப சந்திரமவுலி.

      இந்த தளமும், பின்னூட்டங்களும், விவாதங்களும்
      இப்படி இருக்க வேண்டுமென்பது தான் என் விருப்பமும்….!

      இங்கு எல்லா கருத்துகளுக்கும் இடம் உண்டு.
      சுவாரஸ்யமான விவாதங்களும் உண்டு.
      எந்த கருத்தையும் ஏற்பதும் – ஏற்காததும் அவரவர் விருப்பம்…!!!

      -வாழ்த்துகளுடன்,
      காவிரிமைந்தன்

  10. Sundar Raman சொல்கிறார்:

    அத்வானி சுதீந்திர குல்கர்னி போன்ற நண்பரை ஆலசோகராக வைத்திருந்ததன் பலன் தான் இப்போது அனுபவிக்கிறார் … இந்த சுதீந்திர குல்கர்னி தான் ஜின்னா கமெண்டுக்கு உண்மையான ஆசிரியர் …இதில்… இந்த குல்கர்னி பா ஜா வுக்கு முன் , கம்யூனிஸ்டாக இருந்தாராம் . குல்கர்னி டிவியில் பேசினாலே போதும், ஒரு சில ஆயிரம் பேர் உடனடியாக , மோதி பக்தர்களாகி விடுவார்கள். … அவர் அடிக்கடி டிவியில் வர வேண்டும், அடிக்கடி பாகிஸ்தான் போக வேண்டும். ..

  11. LVISS சொல்கிறார்:

    Mr K M There are few other thing that has to be looked into in the election the President –One is that normally the ruling party tries to arrive at a consensus with other parties mainly the main opposition party -This was the case in most election in the past – So the ruling party will try to find out first who the opposition parties will be willing to accept as Presidential candidate –You will remember that Mr Abdul Kalam was not the original choice of BJP — Another name proposed was not accepted by the Congress —
    In the case of Advani the opposition parties may turn down his name citing Babri case which is still pending — Secondly the state legislatures are also involved in the election of the President — So they also have to be spoken to –It is not a simple exercise —
    There is also another way they chose the President in the past ie making the Vice President as President -We have precedents for this –If this is followed Mr Hansari may become the President— Anyway It is in July the new President will be elected —

  12. தமிழன் சொல்கிறார்:

    இந்திய நாடு எத்தனையோ மாற்றத்தை சுதந்திரத்துக்கு முன் ~ பின் என ஏந்தி வருகின்றது …..
    வேற்றுமையில் ஒற்றுமை என வைரம் பாய்ந்த பாரத நாடாக பார் போற்றவே இன்று வரை என்றும் இருப்பதுவே …..
    இளமை நிறைந்த ஆக்க பணிகளை கட்டமைக்க இன்னும் உத்வேகபட்டால் பயனும் நலனும் நிறைவாய் முன்னேறும் தேவை தேச நலன் நிறைந்த ஒற்றுமை அதற்கு தங்கள் இந்த இடுகையும் பின்னூட்டமும் ஒரு உத்வேகமாகட்டும்…..
    ஜெய்ஹிந்த்…..

    • தமிழன் சொல்கிறார்:

      இதுயார் ‘தமிழன்’ என்ற பெயரில்? இன்றைக்குத்தான், இந்த இடுகைக்குச் சம்பந்தமான கருத்தொன்றைப் பதிய வந்தபோது ‘தமிழன்’னைப் பார்க்கிறேன்.

      கா.மை. சார்… நெடிய தூக்கத்திலிருந்து விழித்தெழுந்த சி.பி.ஐ, அத்வானி, முரளி மனோகர் ஜோஷி, உமாபாரதிக்கு எதிரான ‘பாபர் மசூதி இடிப்பு வழக்கை’ இப்போது கையில் எடுத்துள்ளது. எனக்கு இது சாதாரணமானதாகத் தெரியவில்லை. அத்வானியையும் முரளி மனோகர் ஜோஷியையும் (அத்வானிதான் சரியான நபர்) ஜனாதிபதிக்கான வேட்பாளர் தேர்விலிருந்து ஒதுக்கும்விதமாக நடைபெற்றதொன்றாகவே தோன்றுகிறது.

      காங்கிரஸ், தன்னோடு கூட்டணியில் உள்ளவர்கள், ஊழல் வேலைகளில் ஈடுபடும்போது கண்டுகொள்ளாது. மாட்டிவிடாது (ஒரு EXCEPTION 2G. இந்த ஊழல் வெளிவந்தவுடனேயே, காங்கிரஸ் பெயரைக் காப்பாற்றிக்கொள்ள, மொத்தப் பிரச்சனையையும் திமுக தலைமேல் போட்டுவிட்டது). ஆனால், பாஜகவுக்கு, அதுவும் மோடி அவர்களுக்கு ஜெ. அவர்கள் நெருங்கிய நண்பராக இருந்தபோதும் அவரிடமிருந்து ஜெ.வுக்கு உதவி எதுவும் கிடைத்தமாதிரித் தெரியவில்லை. இப்போது சரியான சமயத்தில், அத்வானி, ரேசிலிருந்து கழட்டிவிடுவதற்காகவே இந்த சிபி.ஐ வழக்கு வந்ததுபோல் தெரிகிறது.

      மோடி அவர்கள் இந்த விவகாரங்களில் கருத்துச் சொல்லாமல் இருப்பதும், அனுபவத்தில் மிகவும் சிறியவரான அமித்ஷா, அத்வானி போன்ற நெடிய பாரம்பரியம் கொண்டவர்களுக்கு, கட்சி உங்களுடன் துணையிருக்கும் என்று சொல்வதும் அவ்வளவு ரசிக்கும்படி இல்லை. அத்வானி ஜனாதிபதியாக வருவதுதான் இன்றைய நிலையில் மிகப் பொருத்தமாக இருக்கும். ‘பிரதீபா பாட்டீல்’ போன்று, யாராகிலும் டம்மியை அல்லது, ‘கோவிந்தாசார்யா’ போன்று பரவலாக அறியப்படாதவரை ஜனாதிபதி பதவிக்குக் கொண்டுவரும் திட்டமாக இருக்குமா? என்ன நடக்கிறது?

      அதே சமயத்தில், பலர் (அதாவது பாஜக சார்பில்லாத, மோடியை விரும்பாதவர்கள்), ‘அத்வானி’ யை மோடி அவர்கள் கழட்டிவிடுகிறார் என்று எழுதுவதன் காரணம், மோடியின் பெயரைக் கெடுப்போம் என்ற AGENDAதான் என்றும் தோன்றுகிறது..

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s